[ þriðjudagur, janúar 11, 2005 ]
Síðasta færslan á irg.blogspot.com
Á fundi vefstjórnar um daginn var ákveðið að hætta að skrifa á þennan vef vegna hagræðingar. Það er búið að vera fínt að koma fréttum á netið á meðan ég bjó út í Seattle, en hér með vil ég benda fólki á að taka annaðhvort upp símann eða skrifa email til að fá fréttir af mér.
Annars er það helst að frétta að ég er byrjaður að vinna á Hönnun verkfræðistofu og er að vinna í að koma mér fyrir hérna á Íslandi.
Ritað af Ingvar [21:34]
[ fimmtudagur, desember 23, 2004 ]
Gleðileg jól
Þá er maður mættur á klakann. Þá er bara að koma sér í jólaskapið. Allavega vil ég óska öllum lesendum þessarar síðu gleðilegra jóla.
Ritað af Ingvar [16:41]
[ laugardagur, desember 11, 2004 ]
Mastersritgerð
Þá er ritgerðin tilbúin og verður henni skilað á mánudaginn. Fyrir áhugasama þá er hún komin á netið. Fínt í jólagjafir ;)!!
Annars er það að frétta að ég fór á svakalega tónleika á fimmtudaginn þar sem Snow Patrol, Keane, The Shins, The Killers, Franz Ferdinand og Modest Mouse voru að spila. Franz Ferdinand voru án efa lang besta band kvöldsins.
Núna eru ekki nema 10 dagar í að ég fljúgi heim, sem þýðir að ég þarf að fara að byrja að pakka öllu dótinu mínu og sjá hvað ég get tekið með mér í flug og hvað ég þarf að senda landleiðina.
Ritað af Ingvar [15:20]
[ miðvikudagur, desember 08, 2004 ]
Glærur
Vegna fjölda áskorana hef ég ákveðið að setja glærurnar á netið. Annars er ég rétt að fatta að þetta sé búið! Núna taka við mánaðarlöng fagnaðarhöld eða þar til ég byrja að vinna í byrjun janúar.
Ritað af Ingvar [13:42]
[ þriðjudagur, desember 07, 2004 ]
Ingvar Rafn Gunnarsson Master of Science in Civil Engineering
Vörnin búin og uppáskrifað að ég uppfylli allar kröfur. Nú þarf ég bara að laga nokkur atriði í ritgerðinni sjálfri og skila henni inn í næstu viku. Ritgerðin og glærurnar koma á netið þá!!
Ritað af Ingvar [16:45]
[ þriðjudagur, nóvember 23, 2004 ]
Mastersritgerð
Undanfarnar vikur er búið að vera brjálað að gera í skólanum, fór reyndar á REM tónleika á föstudagskvöldið algjör snilld.
Ritgerðin er núna kominn til yfirlestrar hjá prófessorunum þar til í næstu viku (ég á reyndar eftir að skrifa inngang, lokaorð og abstract). Svo í næstu viku verður ritgerðinn "kláruð" og vörnin undirbúinn.
Ritað af Ingvar [11:16]
[ þriðjudagur, nóvember 09, 2004 ]
Mastersvörn
Þá er það komið á hreint hvenær ég ver lokaverkefnið. Dagurinn sem var ákveðinn er 7. desember, eftir ákúrat fjórar vikur. En eftir þrjár vikur þarf ég að skila ritgerðinni svo að prófessorarnir geti lesið yfir hana og komið með athugasemdir. Svo eftir að ég er búinn að verja má ég búast við því að þurfa að laga einhver smáatriði í ritgerðinni sem gæti tekið í mesta lagi 3 til 4 daga.
Ritað af Ingvar [15:20]
